Mükafat haqqında

Qlobal Liderlik və İdarəçilik Mükafatı Anadolu Universiteti tərəfindən fərdi nailiyyətlərə görə təqdim olunan xüsusi əhəmiyyətli ali mükafatdır. Bu mükafat Liderlik və İdarəçilk sahələri üzrə üstün xidmətləri ilə seçilən və beynəlxalq səviyyədə əhəmiyyətli və müstəsna töhfələr bəxş etmiş nümunəvi liderliyi qiymətləndirmək məqsədilə təltif olunur.

Mükafatın təqdim edilməsi Anadolu Universitesi Mükafatlandırma Komitəsinin (Komitə) ixtiyarındadır. Komitə hər hansı bir ildə bir mükafat, birdən çox mükafat təqdim etməsini və ya heç etməməsini qərara ala bilər. Ümumiyyətlə, Anadolu Universitetinin mükafatlarının ölümdən sonra verilməsi nəzərdə tutulmayıb.

 

Namizədlik Tələbləri

Anadolu Universiteti liderlik və idarəçilik sahəsində uğur qazanmış və Anadolu Universitetinə töhfə vermiş mütəxəssisləri və peşəkarları Qlobal Liderlik və İdarəçilik Mükafatına namizəd göstərə bilər. Müsabiqədə öz namizədliyini irəli sürmək qəbul edilmir. Namizədin nailiyyətlərini kifayət qədər təfərrüatlı şəkildə ümumiləşdirmək namizədliyi irəli sürənlərin məsuliyyətidir.

Namizədliklər əlavə araşdırma tələb etmədən seçim prosesini məlumatlandırmaq üçün kifayət qədər məlumatı ehtiva etməlidir. Tam namizədliklərə namizədin tərcümeyi-halı və peşəkar xülasəsi daxil edilməlidir. Peşəkar xülasə və ya tərcümeyi-hal Komitəyə namizədin nailiyyətləri və təcrübələri haqqında daha geniş icmal təqdim etsə də, bu, aşağıda sadalanan tələb olunan məlumatların heç birini əvəz etmir. İlkin namizədlik ərizələrini nəzərdən keçirdikdən sonra Komitə baxılması üçün namizədlərin qiymətləndirilməsinə kömək etmək üçün arayış məktubları tələb edə bilər.

Mükafatlandırma Komitəsi liderlik mükafatına namizədləri aşağıdakı tələb olunan meyarlara əsasən nəzərdən keçirir:

• Çalışdıqları qurum və ya təşkilatlarda liderlik;

• Anadolu Universitetində Liderlik və İdarəçilik fəaliyyələri və layihələri üzrə liderlik;

• Liderlik və İdarəçilik sahəsi üzrə ixtisaslaşmış beynəlxalq assosiasiya, peşəkar qurum, birlik və ya icmada üzvlük.

Komitə həmçinin aşağıdakıları təsdiq edən sübutları nəzərdən keçirir:

• Beynəlxalq səviyyədə tanınan təşkilat və ya qurum daxilində insan kapitalı, maliyyə resursları, əməliyyatların və proseslərin idarə edilməsində və bizneslərin inkişaf etdirilməsində liderlik;

• Liderlik və idarəçilik nəzəriyyəsi və praktikasında biliklərin araşdırılması, yaradılması, həmçinin, müvafiq biliklərin təlim-tədrisi və mübadiləsində liderlik;

• Məqsədlər, proseslər və nəticələr daxil olmaqla liderlik və idarəçilik fəaliyyətlərinin hərtərəfli icmalı;

• Namizədin liderliyinin və idarəçilik layihələrində iştirakının sübutu;

• Namizədin liderlik və idarəçilik sahələri üzrə töhfələrini təsdiq edən həmkarların, icma üzvlərinin və ya tərəfdaşların bəyanatları;

• Namizədin liderlik və idarəçilik fəaliyyətlərini təsdiqləyən hər hansı əlavə sənədlər, məsələn, layihə hesabatları, və ya mediada işıqlandırmalar.

​

Təlimat və Uyğunluq

Anadolu Universitetinin mükafatının nadir şəkildə təqdim edilən beynəlxalq səviyyədə mükafat qismində təqdim olunması nəzərdə tutulur. Heç bir fərdi mükafat (komanda mükafatlarından fərqli olaraq) eyni şəxsə bir dəfədən çox verilə bilməz. Qlobal Liderlik və İdarəçilik Mükafatı kateqoriyası üzrə nominasiyaya üstünlük əvvəllər bu mükafata layiq olmamış namizədlərə veriləcək. Bu kateqoriya üzrə mükafatlar yalnız fərdlər üçün nəzərdə tutulub.

• Namizədlər liderlik və idarəetmə sahəsi üzrə beynəlxalq təcrübəsi olan və müvafiq sahə üzrə fəaliyyət göstərən, liderlik və idarəçilik sahəsinə əhəmiyyətli və nümayiş etdirilə bilən töhfələr vermiş şəxslər olmalıdırlar.

• Namizədlər hal-hazırda Anadolu Universitetinin İdarə Heyətində və Mükafatlandırma Komitəsində fəaliyyət göstərə bilməzlər.

• Ali təhsil fəaliyyəti daxilində və ondan kənar hər kəs mükafata namizəd ola bilər.

 

Təqdim Olunma

• Mükafat sahibləri Anadolu Universitetinin internet saytındakı mükafat qalereyasına əlavə olunur.

• Mükafatçı həmçinin müstəsna nailiyyətlərinin etirafı olaraq Anadolu Universiteti tərəfindən təqdim olunan Sertifikat və Trofey əldə edəcəkdir.

• Mükafatçı Andodolu Universitinin 2025-ci il Məzun Günündə fəxri qonaq qismində çıxış etmək üçün məzuniyyət törəninə dəvət olunur. Mükafatçının məzuniyyət törənində iştirakı üçün bütün qonaqlama və səyahət xərcləri Anadolu Universiteti tərəfindən qarşılanacaq.

​

Mükafatçılar

Beynəlxalq Liderlik Müsabiqəsinin Qlobal Liderlik və İdarəçilik nominasiyası üzrə qalibi

​

​